టూత్ బ్రష్ ఎక్కువగా కాలం వాడితే ఎన్ని జబ్బులు వస్తాయో తెలుసా..?
![](https://www.manaarogyamkosam.com/wp-content/uploads/2023/06/bess6451325-780x470.jpg)
నోటిని శుభ్రంగా ఉంచుకుంటేనే మన ఆరోగ్యం బాగుంటుంది. అందులో రోజుకు రెండు సార్లు బ్రష్ చేయడం వల్ల లైఫ్ టైం పెరుగుతుందని తాజా అధ్యయనం కూడా వెల్లడించింది. అందులోనూ నోరు ఎంత శుభ్రంగా ఉంటే అన్ని అనారోగ్య సమస్యల ప్రమాదం తప్పుతుందని నిపుణులు తేల్చి చెబుతున్నానరు. ఇది బాగానే ఉంది కానీ.. ఇంతకీ బ్రష్ ను ఎన్ని రోజులకోసారి మార్చాలి.
అయితే పళ్ళు మన చిరునవ్వుకు అందాన్ని కలిగిస్తాయి. అందుకే దంతాలు తెల్లగా, ఆకర్షణీయంగా ఉండేందుకు రకరకాల ప్రయత్నాలు చేస్తారు. కొంతమంది ఆయుర్వేదిక్ టూత్ పేస్టుని వాడితే మరికొంతమంది రకరకాల హోం రెమిడీస్ని ప్రయత్నిస్తారు. కానీ అందరు చేసే తప్పు ఏంటంటే ఒకే బ్రష్ని ఎక్కువ కాలం వాడటం. కొంతమంది టూత్పేస్టులని మారుస్తారు కానీ బ్రష్ని మార్చరు.
ఒకే టూత్ బ్రష్ను ఎక్కువ కాలం ఉపయోగించడం వల్ల నోటి సమస్యలు తలెత్తుతాయి. టూత్ బ్రష్ను తరచుగా మార్చడం చాలా ముఖ్యం. టూత్ బ్రష్ ఎన్ని రోజులు వాడాలి.. ఆరోగ్యకరమైన దంతాల కోసం ప్రతి వ్యక్తి తన టూత్ బ్రష్ను 3 నుంచి 4 నెలల తర్వాత మార్చుకోవాలి. అయితే కచ్చితంగా 4 నెలలకే మార్చాలని నిబంధన ఏమిలేదు. అంతకు ముందే బ్రష్ దెబ్బతింటే వెంటనే మార్చుకోవాలి.
కుటుంబంలో ఏదైనా దంత సమస్య లేదా ఆరోగ్య సంబంధిత సమస్యలు ఉన్నవారు 1 నుంచి 2 నెలలలోపు టూత్ బ్రష్ను మార్చుకుంటూ ఉండాలి. బ్రిస్టల్ పెళుసుదనం టూత్ బ్రష్ ముళ్ళగరికెలు దంతాలను శుభ్రపరచడంలో, సూక్ష్మ జీవులను తొలగించడంలో సహాయపడతాయి.
దీర్ఘకాలం ఉపయోగించడం వల్ల ముళ్ళలో పెళుసుదనం ఏర్పడుతుంది. దీని వలన అవి సరిగ్గా పనిచేయవు. బాక్టీరియా పెరుగుదల టూత్ బ్రష్పై బ్యాక్టీరియా, వైరస్, ఫంగస్ మొదలైనవి పేరుకుంటాయి. ఈ జెర్మ్స్ అవాంఛిత నోటిలో ఇన్ఫెక్షన్ కలిగిస్తాయి. ఇన్ఫెక్షన్ ప్రమాదం టూత్ బ్రష్ను ఎక్కువ కాలం వాడితే అందులో బ్యాక్టీరియా, క్రిములు వృద్ధి చెందుతాయి. ఇది దంతాలు, చిగుళ్ళకు ఇన్ఫెక్షన్ ప్రమాదాన్ని పెంచుతాయి.