చెప్పులు రిపేర్ చేస్తున్న వ్యక్తి రష్యన్ గర్ల్ సంభాషణ..అతడి ఇంగ్లీష్ విని అందరు షాక్!
వైరల్ అవుతున్న వీడియోలో ఒక రష్యన్ మహిళ వికాస్ అనే చెప్పులు కుట్టే వ్యక్తి దుకాణం వద్దకు తెగిన చెప్పుతో చేరుకోవడం మీరు చూడవచ్చు. ఇద్దరూ మాట్లాడుకుంటున్న సమయంలో వికాస్ తాను గత 26 సంవత్సరాలుగా చెప్పులు కుట్టే వృత్తిని చేస్తున్నట్లు పని చేస్తున్నానని మరియాతో చెప్పాడు. అయితే రష్యా కు చెందిన సోషల్ మీడియా ఇన్‌ఫ్లుయెన్సర్ మరియా చుగురోవా ప్రస్తుతం భారతదేశంలో పర్యటిస్తోంది.
ఆమె తాజాగా షేర్ చేసిన ఓ వీడియో సోషల్ మీడియాలో వైరల్‌గా మారింది. వికాస్ అనే చెప్పులు కుట్టే వ్యక్తి తో ఆమెకు ఎదురైన అనుభవం గురించి ఆమె ఇన్‌స్టాగ్రామ్‌లో పోస్ట్ చేసింది. ఆ వైరల్ వీడియోలో మరియా, వికాస్‌ల మధ్య జరిగిన సంభాషణను చూపించారు. ఆ వీడియో చాలా మంది హృదయాలను గెలుచుకుని నెట్టింట హల్‌చల్ చేస్తోంది.
వైరల్ అవుతున్న ఆ వీడియోలో మరియా తన తెగిపోయిన చెప్పుతో వికాస్ దగ్గరకు వెళ్లింది. వికాస్ ఆ చెప్పు తీసుకుని కుట్టడం ప్రారంభించాడు. కుడుతూనే ఆమె ఇంగ్లీష్‌లో అడిగిన ప్రశ్నలకు తడుముకోకుండా సమాధానాలు చెప్పాడు. తను 26 ఏళ్లుగా అదే వృత్తిలో ఉన్నానని చెప్పాడు. రష్యాలో తెగిన చెప్పును కుట్టించుకునే వీలుండదని మరియా తెలిపింది.
కుట్టడం అయిన తర్వాత వికాస్ కేవలం రూ.10 మాత్రమే అడిగాడు. మరియ రూ.20 ఇచ్చి ధన్యవాదాలు చెప్పి వెళ్లిపోయింది.
