క్వీన్ ఎలిజబెత్ II ఆరోగ్య రహస్యం ఏంటో తెలుసా..?
క్వీన్ ఎలిజబెత్ గత ఏడాది అక్టోబర్ నుంచే ఆరోగ్య సమస్యలతో బాధపడుతున్నారు. నడవడం, నిలబడటం కూడా ఇబ్బందిగా మారింది. దీంతో అప్పట్నుంచి స్కాట్లాండ్‌లోని బాల్మోరల్ క్యాజిల్‌లో ఉంటున్నారు. అధికారిక కార్యక్రమాలకు కూడా దూరంగా ఉంటున్నారు. బుధవారం సీనియర్ మంత్రులతో వీడియో కాన్ఫరెన్స్ ద్వారా పాల్గొనాల్సి ఉన్నప్పటికీ వైద్యుల సూచన మేరకు అందుకు దూరంగా ఉన్నారు.
అయితే 96 సంవత్సరాల వయస్సు వరకు ఆమెను ఆరోగ్యంగా ఉంచడంలో ప్రధాన పాత్ర పోషించిన గొప్ప వైద్యులతో పాటు రాణి గారి కోసం ప్రత్యేక మెనూ తయారు చేసిన పాక సిబ్బందికి కూడా సమాన అర్హత ఉంది. క్వీన్ ఎలిజబెత్ ప్రతిరోజూ ఒకే రకమైన ఆహార పదార్థాలను ఇష్టపడుతుందని ఆమె వ్యక్తిగత చెఫ్, డారెన్ మెక్‌గ్రాడీ తన యూట్యూబ్ ఛానెల్ ద్వారా ఆ విషయాన్ని వెల్లడించారు.
రాణి తన భోజనం కోసం ప్రతిరోజూ ఒకే ఆహార పదార్థాన్ని తింటుందని చెప్పారు. గత 91 ఏళ్లుగా క్వీన్ ఎలిజబెత్ ‘ప్రత్యేక మెనూ’ ప్రిన్సెస్ డయానా, ప్రిన్స్ విలియం మరియు ప్రిన్స్ హ్యారీతో పాటు క్వీన్ ఎలిజబెత్ IIకి వ్యక్తిగతంగా సుదీర్ఘకాలం పనిచేసిన చెఫ్ డారెన్ మెక్‌గ్రాడీ, ఒకసారి తన యూట్యూబ్ ఛానెల్ ద్వారా పంచుకున్నారు. ఆమె సాధారణ వంటకాలను ఇష్టపడుతుంది. దాదాపు ప్రతిరోజూ ఎర్ల్ గ్రే టీ, ఒక కప్ తృణధాన్యాలు తీసుకుంటుంది.
దానితో పాటు, క్వీన్ జీవించి ఉన్నంతకాలం తనకు ఎంతో ఇష్టమైన ‘జామ్ పెన్నీ’ శాండ్‌విచ్‌ను తినేవారు అని చెఫ్ మెక్‌గ్రాడీ తెలిపారు. క్వీన్స్ ఫేవరెట్ శాండ్‌విచ్ గురించి మాట్లాడుతూ.. ఇది బ్రెడ్, బటర్, జామ్ అనే మూడు వస్తువులను మాత్రమే కలిగి ఉన్న సాధారణ వంటకం. బాల్మోరల్ కాజిల్‌లో తోటలోని చక్కటి స్కాటిష్ స్ట్రాబెర్రీలతో ఈ శాండ్‌విచ్ తయారు చేసి రాణిగారికి అందించేవారం అని ఆమెతో తనకు ఉన్న అనుబంధాన్ని గుర్తు చేసుకున్నారు.
