ఈ కాలంలో చన్నీటి స్నానం చేస్తే గుండెపోటు, పక్షవాతం వచ్చే ప్రమాదం ఉందా..?

చలికాలం వచ్చిందటే బాత్ రూంలోకి వెళ్లి కుళాయిని తిప్పాలన్నా, చల్లటి నీటిని తాకాలన్నా జంకుతాం. ఉదయం వేళ చల్లటి నీటిని తాకగానే మన బాడీలో వెబ్రేషన్స్ వచ్చేస్తాయి. ఉదయం లేవటానికి కూడా బద్దకంగా ఉంటుంది. అయితే చలికాలం మన ఆరోగ్యాన్ని చాలా రకాలుగా ప్రభావితం చేస్తుంది. ఉష్ణోగ్రత తగ్గుదల గుండెపై ఊహించని ప్రభావాలను కలిగిస్తుందని, అంతేకాకుండా బ్రెయిన్ స్ట్రోక్ ప్రమాదాన్ని పెంచుతుందని ఆరోగ్య నిపుణులు సూచిస్తున్నారు. కండరాలకు తగినంత రక్తం లభించనప్పుడు లేదా రక్తం గడ్డకట్టడం వల్ల బ్లాక్ అయినప్పుడు గుండెపోటు లేదా స్ట్రోక్ సంభవిస్తుంది.

ఇది ఆక్సిజన్ సరఫరాను తగ్గిస్తుంది, ఇది ప్రమాదకరమైన పరిణామాలను కలిగి ఉంటుంది. గుండెపోటు లేదా స్ట్రోక్‌కు దారితీసే అనేక ప్రమాద కారకాలు ఉంటాయి. వయస్సు, కుటుంబ చరిత్ర, రక్తపోటు, కొలెస్ట్రాల్ స్థాయిలు మొదలైనవి. కొన్ని బాహ్య లేదా జీవనశైలి కారకాలు కూడా ఆరోగ్య ప్రమాదాలకు కారణమౌతాయి. అటువంటి జీవనశైలి ప్రమాదకారకం స్నానపు గదిలో సంభవించవచ్చు, ప్రత్యేకించి చలికాలంలో చల్లటి నీటితో స్నానం చేస్తుంటే, ఇలాంటి పరిస్ధితితులు ఎదుర్కోవాల్సి వస్తుంది. చల్లటి నీరు శరీరాన్ని షాక్ కు గురి చేస్తుంది, దీని వలన చర్మంలోని రక్త నాళాలు సంకోచించబడతాయి, శరీరంలో రక్త ప్రవాహాం నెమ్మదిస్తుంది.

అందువల్ల, శరీరం చుట్టూ రక్తాన్ని పంప్ చేయడానికి గుండె వేగంగా కొట్టుకోవడం ప్రారమౌతుంది. చలికాలంలో గుండె పోటు, స్ట్రోక్ మరణాలు లేకుండా ఉండేందుకు నిపుణులు కొన్ని సూచనలు చేస్తున్నారు. చలికాలంలో పాటించాల్సిన జాగ్రత్తలు.. శీతాకాలంలో చల్లటి నీటి స్నానాలు మానుకోవాలని నిపుణులు సూచిస్తున్నారు. నిత్యం వెచ్చని లేదా గోరువెచ్చని నీటితో స్నానం చేయాలి. చల్లని వాతావరణంలో మీరు అనారోగ్యానికి గురయ్యే అవకాశం ఉన్నట్లయితే చలిగాలి తగల కుండా నిండుగా దుస్తులు ధరించాలి. వ్యాయామం చేయడానికి, పని చేయడానికి ప్రతిరోజూ కనీసం 30 నిమిషాలు సమయం కేటాయించాలి.

రన్నింగ్, జాగింగ్, లైట్ ఏరోబిక్స్, యోగా, హోమ్ వర్కౌట్‌లు, డ్యాన్స్ లేదా మెడిటేషన్ వంటి కార్యకలాపాల్లో పాల్గొనాలి. రెగ్యులర్ వ్యాయామం మీ శరీరాన్ని వెచ్చగా ఉంచుతుంది. ఫిట్‌గా ఉండటానికి సహాయపడుతుంది. శీతాకాలంలో ఆరోగ్యకరమైన ఆహారం తీసుకోవటం మంచిది. శీతాకాలంలో లభించే తాజా, సీజనల్ పండ్లు మరియు ఆకుపచ్చ కూరగాయలను పూర్తిగా ఉపయోగించుకోవాలి. చక్కెర మరియు కొలెస్ట్రాల్ మరియు రక్తంలో చక్కెర స్థాయిలను పెంచే వేయించిన, కొవ్వు, ప్రాసెస్ చేసిన ఆహారాన్ని నివారించాలి.

వేడివేడి ఆహారాన్ని తినాలి. రోజువారీ ఆహారంలో అల్లం చేర్చుకోవాలి. మధుమేహం, రక్తపోటు, కొలెస్ట్రాల్, మూత్రపిండాలు మరియు ఇతర సమస్యల వంటి మీ వైద్య పరిస్థితులను నిశితంగా గమనించాలి. గుండె జబ్బులున్నవారు భారీ మరియు శ్రమతో కూడిన పనిని చేయకుండా ఉండటం మంచిది. అధికంగా మద్యం సేవించకుండా చూసుకోవాలి. ధూమపానం గుండె సమస్యలను కలిగిస్తుంది. చల్లటి నీటితో స్నానం చేయటమేకాదు , తాగడం గుండె జబ్బులతో బాధపడేవారికి ప్రమాదకరమని ఆరోగ్య నిపుణులు భావిస్తున్నారు. ఆరోగ్యంగా ఉన్న వారు చన్నీటి స్నానం చేస్తేనే మంచిదని చెబుతున్నారు నిపుణులు.

దీనివల్ల అవయవాలకు రక్తప్రసరణ పెంచి, రోగనిరోధక శక్తిని కూడా పెంచుతుంది. దీని ద్వారా జీవక్రియ మెరుగవుతుంది. ఈ కారణంగా మీరు బరువు తగ్గే అవకాశం ఉంటుందని నిపుణులు చెబుతున్నారు. చన్నీటి స్నానాలు స్నానం చేయడం వల్ల శరీరంలో రక్త ప్రసరణ పెరుగుతుంది. చన్నీటి స్నానాలు రక్తాన్ని మీ అవయవాలకు చేరేలా చేస్తాయి. దీంతో మీరు వెచ్చగా ఉండడంలో సాయపడతాయి. కాబట్టి చన్నీటి స్నానం విషయంలో పెద్ద వయస్సు వారు, హృద్రోగులు జాగ్రత్తలు పాటించటం మంచిది. వీలైనంత వరకు గోరు వెచ్చని నీటితో స్నానం చేయటం వల్ల స్ట్రోక్ ప్రమాదాలు దరిచేరకుండా చూసుకోవచ్చు.