చికెన్ ఎక్కువగా తింటే ఎన్ని రోగాలు వస్తాయో తెలుసా..?

చికెన్ తినడం వల్ల మన శరీరంలో ప్రొటీన్స్ పెరుగుతాయి. ప్రొటీన్స్ వల్ల వ్యాధి నిరోధక శక్తి పెరుగుతుంది. తద్వారా అనేక రకాల వైరస్ లను ఎదుర్కోనే శక్తి మన శరీరానికి వస్తుంది. అయితే ఫారం కోళ్ళను తినటం వల్ల అనారోగ్యం పాలవుతారని నిపుణులు చెబుతున్నారు. నాటు కోళ్లు తింటే ఆరోగ్యానికి ఎంతో మంచిదట. అయితే రెండు మూడు రోజులకోసారి తిన్నా చాలు. ఒకవేళ రోజూ తినే అలవాటు ఉంటే, రెండు ముక్కల కన్నా ఎక్కువ తినకూడదు. చేపలు తరువాత ఆరోగ్యకరమైన మాంసం ఇదే. వారానికి రెండు సార్లు తిన్నా చాలు మన శరీరానికి అవసరమైన ప్రొటీన్ అందుతుంది.

ఆరోగ్యం కదా అని రోజూ తింటే కొన్ని అనారోగ్యాలు వచ్చే అవకాశం పెరుగుతుంది. అధిక ప్రొటీన్.. చికెన్లో ప్రొటీన్ అధికంగా ఉంటుంది. రోజూ కోడిమాంసం తినేవారిలో ప్రొటీన్ అధికంగా శరీరంలో చేరుతుంది. ఇది కొవ్వు రూపంలో మారి పేరుకుపోతుంది. మీకు తెలియకుండానే బరువు పెరుగుతారు. రక్తంలో లిపిడ్ స్థాయిలు పెరిగిపోతాయి. కాబట్టి రొజూ తినే అలవాటును మానుకుంటే మంచిది. గుండె జబ్బులు.. చికెన్‌ని ఎక్కువగా తినడం వల్ల కొలెస్ట్రాల్ స్థాయిలు పెరగవచ్చు. ఇది హృదయ సంబంధ వ్యాధులు వచ్చే అవకాశాన్ని కూడా పెంచుతుంది. చికెన్ లాంటి అధిక ప్రోటీన్ ఉత్పత్తులను అతిగా తినడం వల్ల పరోక్షంగా గుండె సంబంధ వ్యాధులను పెంచుకున్కనట్టే.

అంటే అకాల మరణాన్ని కొని తెచ్చుకున్నట్టే. బరువు పెరుగుతారు..చికెన్ అనేది జంతు ఆధారిత ప్రొటీన్‌కు మూలం. దీన్ని తినడం వల్ల ఆరోగ్యకరమైన బరువును నిర్వహించడం కష్టమవుతుంది. అంటే బరువు పెరిగిపోతారన్నమాట. శాఖాహారులతో పోలిస్తే రోజూ చికెన్ తినేవారి BMI అధికంగా ఉన్నట్టు గుర్తించారు అధ్యయనకర్తలు. ఫుడ్ పాయిజనింగ్‌.. చికెన్ శుభ్రంగా కడిగి, బాగా ఉడికించాలి. ఇలా చేయకపోతే ఫుడ్ పాయిజనింగ్ బారిన పడే అవకాశం ఎక్కువ. వండని చికెన్ పై సాల్మొనెల్లా, క్యాంపిలోబాక్టర్ వంటి బ్యాక్టిరియాలు ఉంటాయి. చికెన్‌ను ముట్టుకుంటే మన చేతులకు అంటుకుని పొట్ట లోనికి చేరే అవకాశం ఉంది.

అలాగే సరిగా ఉడికించకపోయినా ఈ బ్యాక్టరియా శరీరంలోకి చేరి అనారోగ్యాన్ని కలిగిస్తుంది. గర్భిణిలకు ఇది చాలా ప్రమాదకరం. యాంటీ బయోటిక్స్ పనిచేయకపోవచ్చు.. పౌల్ట్రీ రైతులు తాము పెంచుతున్న కోళ్లకు బలవంతంగా యాంటీబయోటిక్ ఇంజెక్షన్లు ఇస్తున్నట్టు వార్తలు వస్తాయి. అలాంటి చికెన్ తినేవారిలో యాంటీబయోటిక్స్ నిరోధకత పెరిగిపోతుంది. అంటే మీరు అనారోగ్యంగా ఉన్నప్పుడు వైద్యులు ఇచ్చిన యాంటీ బయోటిక్స్ మీపై పనిచేయవన్న మాట. ఇన్ని సమస్యలు ఉన్నాయి కాబట్టి రోజూ చికెన్ తినే అలవాటును మానుకోండి.