ఆరోగ్యానికి మంచిదని బెల్లం ఎక్కువగా తింటే ఎంత ప్రమాదమో తెలుసుకోండి.
![](https://www.manaarogyamkosam.com/wp-content/uploads/2022/10/bellam645654231.jpg)
పంచదార లేదా చక్కెర కంటే బెల్లం ఆరోగ్యపరంగా శ్రేష్టం ఎందుకంటే బెల్లంలో ఇనుము మొదలైన మూలకాలు ఉంటాయి. భారతీయ వంటలలో బెల్లం ఒక ముఖ్యమైన భాగం. తియ్యని పిండివంటలు తయారీలో కొంతమంది పంచదార కంటే బెల్లాన్నే ఎక్కువగా ఉపయోగిస్తారు. అయితే ఆయుర్వేద శాస్త్రంలో కూడా బెల్లాన్ని విరివిగా ఉపయోగిస్తుంటారు. అయితే అది పరిమిత మోతాదులో వినియోగించబడే వరకు మాత్రమే. అధికంగా బెల్లాన్ని వాడితే మాత్రం శరీర సమస్యలకు దారితీసే ప్రమాదం ఉంటుంది.
![](http://manaarogyamkosam.com/wp-content/uploads/2022/10/568923565.jpg)
బెల్లం సహజ స్వీటెనర్గా ఉండటం వల్ల శరీరానికి ఉపయోగపడుతుంది. అయితే, అది స్వచ్ఛంగా లేకుండా కల్తీగా ఉండేమాత్రం ఆరోగ్య సమస్యలకు దారితీస్తుంది. కాబట్టి, ఎక్కువ మోతాదులో బెల్లం తినడం వల్ల కొన్ని నష్టాలను చవిచూడాల్సి వస్తుంది. బరువు పెరగడానికి దారితీయవచ్చు.. బెల్లం శరీరానికి మంచిదే అయినప్పటికీ, దానిని ఎక్కువ మోతాదులో తింటే, అది బరువు పెరగడానికి దారితీస్తుంది. ఇది కేలరీల సంఖ్యను పెంచుతుంది. చివరికి బరువు పెరగడానికి దారితీస్తుంది.
![](http://manaarogyamkosam.com/wp-content/uploads/2022/10/588525522525.png)
రక్తంలో చక్కెర స్థాయిని పెంచుతుంది.. మధుమేహం ఉన్నవారు, మధుమేహం వచ్చే ప్రమాదం ఉన్నవారు బెల్లం ఎక్కువగా తినకూడదు. ఇది రక్తంలో చక్కెర స్థాయి పెరుగుదలకు దారితీయవచ్చు. బెల్లంలో ఫ్రక్టోజ్, గ్లూకోజ్లతోపాటు కొవ్వులు, ప్రోటీన్లు కూడా ఉంటాయి. మలబద్దకానికి కారణం కావచ్చు.. బెల్లం అధికంగా తీసుకోవడం వల్ల కూడా అజీర్ణం మరియు మలబద్ధకం ఏర్పడవచ్చు. తాజాగా తయారుచేసిన బెల్లం శరీరంలో మలబద్ధకం ప్రమాదాన్ని పెంచుతుంది.
![](http://manaarogyamkosam.com/wp-content/uploads/2022/10/321987465465.jpg)
పరాన్నజీవి సంక్రమణకు దారితీస్తుంది.. బెల్లం శుద్ధి సరిగ్గా లేకుంటే అలాంటి బెల్లాన్ని ఏమాత్రం తీసుకోరాదు. అపరిశుభ్రమైన పరిస్థితులలో తయారు చేయబడే బెల్లంలో సూక్ష్మజీవులు, బ్యాక్టీరియా ఉంటుంది. పరాన్నజీవులు శరీరంలో ప్రవేశించేందుకు అవకాశం ఉంటుంది. దీని వల్ల వివిధ రకాల వ్యాధుల బారిన పడాల్సి వస్తుంది. అలెర్జీకి కారణం కావచ్చు.. కొన్ని సందర్భాల్లో, బెల్లం అలెర్జీని కలిగిస్తుంది. ముక్కు కారడం, జలుబు, దగ్గు, వికారం, తలనొప్పి వాంతులు మొదలైనవాటికి గురికావాల్సి వస్తుంది. గుర్ను ఎక్కువగా తీసుకోవడం వల్ల సంభవించే కొన్ని అలర్జీలు.