పుష్ఫ సినిమా బాగుంది, కానీ హీరో ఎవరో నాకు తెలియదు : సీనియర్ హీరోయిన్
అల్లు అర్జున్ పుష్ప సినిమా గురించి ప్రత్యేకంగా చెప్పాల్సింది ఏముంటుంది. లాస్ట్ ఇయర్ డిసెంబర్ లో రిలీజ్ అయిన సినిమా.. ఇప్పటివరకూ రికార్డ్స్ మీద రికార్డ్స్ క్రియేట్ చేస్తూనే ఉంది. ఈ సినిమా గురించి దేశమంతా మారుమోగింది. అల్లు అర్జున్ కు పాన్ ఇండియా హీరో హోదాను తీసుకువచ్చిందీ మూవీ. ఇలా చెప్పుకుంటూ పోతే.. పుష్ప సినిమా గురించి వస్తూనే ఉంటాయి. అయితే ప్రస్తుతం బన్నీ పేరు దేశవ్యాప్తంగా మారుమోగుతోంది. పుష్పలో బన్నీ నటనకు ప్రతి సినీ ప్రేమికుడు ఫిదా అయ్యారు.
ఈ తో అల్లు అర్జున్ రేంజ్ ఒక్కసారిగా మారిపోయింది. బాక్సాఫీస్ వద్ద సెన్సెషనల్ క్రియేట్ చేసిన పుష్ప చిత్రాన్ని త్వరలోనే రష్యాలో విడుదల చేయనున్నారు. ప్రస్తుతం చిత్రయూనిట్తో పాటు.. బన్నీ కూడా రష్యాలో పుష్ప ప్రీమియర్ ప్రమోషన్లలో పాల్గొంటున్నారు. ఈ క్రమంలో ప్రముఖ సీనియర్ హీరోయిన్ చేసిన కామెంట్స్ ఇప్పుడు నెట్టింట వైరలవుతున్నాయి. పుష్ప చూశాను.. కానీ బన్నీ ఎవరో తెలియదు అంటూ షాకింగ్ కామెంట్స్ చేసింది.
ప్రముఖ కమెడియన్ అలీ హోస్ట్ గా నిర్వహిస్తున్న అలీతో సరదాగా షోకు అతిథిగా అలనాటి హీరోయిన్ ఎల్. విజయలక్ష్మి విచ్చేశారు. హోస్ట్ అలీ ఆమెతో అప్పటి విషయాల గురించి మాట్లాడారు. సీనియర్ ఎన్టీఆర్ ఆమెను కోడలా అని ముద్దుగా పిలిచేవారట కదా అని గుర్తుచేయగా.. నిజమే అన్నారు. అలాగే గుండమ్మ కథలో తనతో ఒక్కపాటైనా చేయించాలని కేవలం రెండు రోజుల్లోనే మ్యూజిక్ తోనే సాంగ్ పెట్టించారని చెప్పుకొచ్చింది.
ఈ క్రమంలోనే ఈ జనరేషన్ చేసిన లు ఏమైనా చూశారా అని అడగ్గా.. పుష్ప చూశానని చెప్పుకొచ్చింది. అయితే అందులో నటించిన హీరో ఎవరో తెలుసా అని అడగ్గా.. తెలియదు అని చెప్పింది. దీంతో అలీ మాట్లాడుతూ.. అతడు అల్లు రామలింగయ్య గారి మనవడు అని చెప్పాడు. ఈ మధ్య యంగ్ హీరోల గురించి అడుగుతుంటే అందరూ ఎన్టీఆర్ మనవడు.. రామానాయుడు మనవడు అని చెప్తున్నారంటూ చెప్పింది. ప్రస్తుతం ఇందుకు సంబంధించిన ప్రోమో నెట్టింట వైరలవుతుంది.
