30 ఏళ్లు దాటిన ఆడవాళ్ళకి వచ్చే అనారోగ్య సమస్యలు ఇవే, వాళ్ళు వెంటనే ఏం చెయ్యాలంటే..?
![](https://www.manaarogyamkosam.com/wp-content/uploads/2023/03/health987564-780x470.jpg)
ఆడవాళ్ళ శరీరంలో అన్ని అవయవాలు, వాటి విధులను నిర్వర్తించటానికి నీరు తప్పక అవసరం. రోజుకు 10 గ్లాసుల నీటిని తాగటం వలన చర్మం ఉపరితలం పైన ఉండే నిర్జీవ కణాలు, ఆరోగ్య వంతమైన కణాలతో మార్చబడి మీరు యవ్వనంగా కనబడతారు.వృద్దాప్యం వచ్చిందా, అని చూసేపుడు ముందుగా కంటి కింద మరియు కంటి చుట్టూ ఉన్న చర్మాన్ని పరిక్షించి చూడాలి. ఈ భాగంలో వృద్దాప్యంపై బడే లక్షణాలు ప్రారంభమవుతాయి. అయితే 30 ఏండ్లు నిండిన ఆడవారి శరీరంలో ఎన్నో మార్పులు వస్తాయి. దీనిమూలంగానే వీరు ఎన్నో రోగాల బారిన పడతారు. సాధారణం ప్రతి స్త్రీ ఇంటిళ్లి పాది ఆరోగ్యం గురించి ఎన్నో జాగ్రత్తలు తీసుకుంటుంది.
కానీ తన ఆరోగ్యం గురించి మాత్రం పట్టించుకోదు. ఈ అజాగ్రత్త వల్లే ఆడవారు ఎన్నో ప్రమాదకరమైన రోగాల బారిన పడుతుంటారు. స్త్రీ పురుషుల మధ్య శారీరక వ్యత్యాసాల కారణంగా పురుషుల కంటే భిన్నంగా స్త్రీలను ప్రభావితం చేసే వ్యాధులు ఎన్నో ఉన్నాయి. హార్ట్ ప్రాబ్లమ్స్..పురుషుల గుండె పరిమాణం కంటే మహిళల గుండె చిన్నగా ఉంటుంది. వీరి హృదయ స్పందన రేటు సాపేక్షంగా వేగంగా ఉంటుంది. నిమిషానికి 78 నుంచి 82 సార్లు కొట్టుకుంటుంది. కాగా 30 ఏండ్ల తర్వాత ఆడవారు ఎక్కువగా గుండె జబ్బుల బారిన పడుతుంటారు. అందుకే వీరు గుండె జబ్బుల లక్షణాల గురించి తెలుసుకోవాలి.
అలాగే శారీరక మార్పులపై శ్రద్ధ వహించాలి. ఆరోగ్యకరమైన జీవనశైలి గుండె జబ్బుల ప్రమాదాన్ని తగ్గిస్తుంది. డయాబెటిస్ మెల్లిటస్.. ఊబకాయం, హార్మోన్ల హెచ్చుతగ్గులు, వంశపారంపర్యం, గర్భధారణ మధుమేహం వంటి బహుళ కారకాల వల్ల మహిళలకు డయాబెటిస్ వచ్చే ప్రమాదం ఉంది. మహిళల్లో డయాబెటిస్ నియంత్రణ కూడా భిన్నంగా ఉంటుంది. ఎందుకంటే వారికి యుటిఐలు, ఈస్ట్ ఇన్ఫెక్షన్లు, రుతువిరతి సమస్యలు ఉంటాయి. కాబట్టి ఫిట్ నెస్, ఆహారపు అలవాట్లకు ప్రాధాన్యం ఇవ్వండి. ఇవి మధుమేహాన్నినియంత్రిస్తాయి.
మధుమేహాన్ని నియంత్రించకపోతే మానసిక ఆరోగ్యం కూడా దెబ్బతింటుంది.రొమ్ము క్యాన్సర్.. పలు నివేదికల ప్రకారం.. గత సంవత్సరం 2.3 మిలియన్ల మంది మహిళలు రొమ్ము క్యాన్సర్ బారిన పడ్డారు. రొమ్ము క్యాన్సర్ కేసులలో సగం వంశపారంపర్యం లేదా రేడియేషన్ ఎక్స్పోజర్ వంటి ప్రమాద కారకాలు లేని మహిళల్లో సంభవిస్తాయి. 40 ఏళ్లు పైబడిన మహిళలు ప్రతి రెండేళ్లకోసారి రొమ్ము క్యాన్సర్ స్క్రీనింగ్ చేయించుకోవాలి. బోలు ఎముకల వ్యాధి.. ఎముకలు క్రమంగా బలహీనపడి విరిగిపోయే పరిస్థితిని బోలు ఎముకల వ్యాధి అంటారు. ఇది ఎముక పగుళ్లకు కారణమవుతుంది. ఆరోగ్యకరమైన ఎముక సాంద్రతకు ఈస్ట్రోజెన్ అవసరం.
రుతువిరతి తర్వాత ఈస్ట్రోజెన్ తగ్గుతుంది. దీంతో వీరికి బోలు ఎముకల వ్యాధి వచ్చే అవకాశం ఉంది. కాల్షియం లోపం, ఆర్థరైటిస్, ధూమపానం, మద్యపానం వంటి కారణాల వల్ల బోలు ఎముకల వ్యాధి చిన్న వయస్సులోనే వస్తుంది. థైరాయిడ్..థైరాయిడ్ అనేది గొంతు దగ్గర ఒక చిన్న సీతాకోకచిలుక ఆకారంలో ఉండే గ్రంథి. పురుషులతో పోలిస్తే, మహిళలకు థైరాయిడ్ రుగ్మతలు ఎక్కువగా వస్తాయి. ఇది సాధారణంగా అయోడిన్ లోపం లేదా స్వయం ప్రతిరక్షక వ్యాధుల వల్ల వస్తుంది.